Speech Delayed Ba Ang Anak Mo?

Simula nung nag umpisa ang pandemic nung 2020, at nagkaron ng lockdown, ang daming bata ang hindi nakakalabas at nakaka halubilo sa kapwa bata. Naging sanhi ito ng pagkawala ng social interaction na naging resulta ng pagka delay sa kanilang pananalita. Isa ang anak ko na lumaki sa pandemic era, at kalimitan dahil parehas kaming nagtatrabaho ng father nya, ang tanging napapaglibangan nya ay gadget. Although nakakapanood sya ng mga kid shows pero hindi parin sapat dahil wala syang nakakausap. Guilty ako bilang magulang at ngayon na medyo malaki na ang anak ko, ang hirap mag adjust. 

Pero imbes na sisihin ang ating mga sarili mas maganda parin na umisip tayo ng aksyon para matulungan sila. Paano ba natin sila matutulungan? Basahin ang ilan sa mga steps na ito na pinipilit kong i-implement sa aming buhay para makatulong sa anak ko. Sana ay makatulong din sa inyo. 

Maagang Paghahanap sa Sulusyon ng Problema: Minsan alam na natin ang problema kaso lang minsan stuck tayo sa pag iisip ng sulusyon. Kalimitan dahil sa hindi natin alam ang ating gagawin kaya hindi tayo nakakapag isip ng kung ano nga ba ang dapat gawin. Sa kakulangan ng resources, problema, dami ng gawain. Minsan hindi natin talaga naasikaso ang paghahanap ng tamang sagot. Kaya nauuwi tayo sa hindi na natin ito naaksyunan at hanggang sa susuko nalang tayo. Pero bilang magulang dapat umaksyon ka, dahil hindi pa kaya ng anak mo na kumilos sa kanyang sariling paa. Kung hindi mo alam kung paano mo matutulungan ang anak mo. Kumunsulta sa espesyalista. Ang isang speech-language pathologist (SLP) o isang developmental pediatrician ay maaaring magbigay sa iyo ng propesyonal na payo at pagsusuri. Mahalaga para sa mga bata na makatanggap ng maagang interbensyon upang makatulong sa inyong anak.

• Active na Kominikasyon sa Inyong Tahanan: Mahirap man, magkaron tayo dapat ng oras na kausapin ang ating mga anak.  Aktibong makinig kapag sinusubukan nilang makipag-usap, magsalaysay ng kanilang pang-araw-araw na gawain, at magbasa ng mga libro nang magkasama. Malaking tulong ang komunikasyon sa pagitan ng magulang at mga anak dahiil tayo ang madalas nilang nakakasama. Lalo pa kung ang bata ay nasa edad ng 2 - 5 years old. 

                                                       

• Ang Paggamit ng mga Visual Aid ay Makakatulong: Upang matulungan ang bata na mas maunawaan at makipag-usap, gumamit ng mga visual aid tulad ng mga larawan, chart, at flash card. Ang pagdaragdag ng mga visual sa proseso ng pag-aaral ay maaaring makatulong para maunawaan nila ang iyong itunuturo. Ng sa gayon hindi maging boring para sa kanila ang mga pagtuturo mo sa kanila ng mga bagong salita. Minsan may mga bata talagang visual learners. Mas napo proseso ng kanilang utak kapag nakikita nila sa picture or charts ang mga bagong words. Plus, nakaka ingganyo din ito para sa kanila. 

                

• Palakasin ang komunikasyon: Mahalagang hikayatin ang bata na makipag-usap sa iyo sa anumang paraan na kaya niya, sa pamamagitan man ng mga salita, kilos, o expression ng mukha. Sagutin nyo sila kapag nagtatanong or mag react kayo pag nagkukwento sila kahit na hindi kayang gumamit ng buong pangungusap o malinaw na salita. Kahit ano man ang gusto nyang sabihin. Laging maging interasado, makakatulong na makita nilang may interesadong makinig sa kanila, nakaka boost ito ng confidence na magsalita para sa mga bata.

 

                                                

• Pag-aaral at Pagsasanay ng mga Pagsasanay sa Pagsasalita: Maari kayong magtanong sa mga speech therapists kung paano nyo mapa practice ang correction ng speech sa bahay. Maaaring gamitin ang iba't ibang pagsasanay upang mapabuti ang kalinawan ng pagsasalita, tulad ng mga tounge twister, paggalaw ng bibig, at paulit-ulit na tunog.  

       

         

• Gawing Paraan sa Pagtuturo ang Paglalaro: Gumamit ng mga laro at aktibidad na naghihikayat sa pagpratice ng salita at isabay ang speech therapy sa oras ng paglalaro. Maaari kang gumamit ng mga laruan na nagpo-promote ng mga practice sa communication. Halimbawa, Role Playing Games, pagkanta, at paggamit ng mga laruang makakapag enrich ng kanilang memorya gaya ng word search at puzzles. 

                                    

        

• Ang Pinakamahalagang Bagay na Dapat Tandaan ay ang maging Matiyaga at ang Suporta: Ang progress ng inyong anak ay maaring matagal or mabilis depende yan dahil iba iba ang capability ng bawat bata. 
Importante ay tiyakin na mahaba ang ating pasensya, handa tayong sumuporta, at tayo mismo ang gagawa ng move na magpractice sila sa bahay. Napakahalaga nito lalo na ito ay dapat manggaling sa atin.

                        

                        

• Subaybayan ang Progreso ng Iyong Anak: Ang pagsubaybay at pagsasaayos ng mga strategies kung kinakailangan ay dapat gawin mo nang regular. Dapat na  tatrack mo ang kanilang progress. Napaka importante nito dahil kailangan mo malaman kung need nyo na bang mag move forward sa mas advance na pagtuturo or practice. Mahalagang magtanong ka sa speech therapist. Ang time na ginugugol nila sa speech center ay napaka ikli lamang kumpara sa itinatagal nila sa bahay. Kaya sa bahay talaga matuto ang anak mo kaya dapat i track mo yan. 

                                        

                    

 Tandaan lamang natin na it's important to tailor interventions to a child's specific needs and abilities because every child is different at ang patuloy na suporta ng mga mahal sa buhay gaya natin, at propesyonal na patnubay na kailangan ng isang batang may speech delay ay maaaring lubos na makatulong sa kanilang pag-unlad. Napakahalaga na ibigay natin ng buong buo ang suporta na kailangan nila dahil hindi pa nila kayang tumayo sa kanilang sariling mga paa. At tayo bilang kanilang mga magulang, ay responsable sa kanilang development. Kaya natin ito. Walang imposible kung pagtutulungan. Please listen to the podcast below